HORONAN-TSARY MAMOAFADY

Tanora miisa 15 no nosamborina

Actualités
Alakamisy 30 Aprily 2026

Tanora miisa 15 no indray

nosamborina tany Maroantsetra fa nanao horonan-tsary mamoafady. Taorian’ny fiparitahan’ny horonantsary vitsivitsy heverina fa mifanohitra amin’ny soatoavina Malagasy, navoakan’ny andian-tanora ao amin’ny vondrona iray any an-toerana dia niditra an-tsehatra avy hatrany ny Polisim-pirenena. Tanora 15 mianadahy, lahy sy vavy, eo anelanelan’ny 14 ka hatramin’ny 21 taona avy amina lisea samihafa ao Maroantsetra moa izy ireo, nosamborina ary nentina tao amin’ny Kaomisaria . Nomena fananarana sy torohevitra izy 15 mianadahy tamin'izany ho fanitsiana ny lalany ka ny Lehiben'ny Kaomisaria ny Officier SARISAINA Nicky Nelson no nitarika ny fanitsiana ireto tanora nania ireto. Nantsoina ihany koa ny ray aman-dreniny sy ny mpanabe azy ireo any an-tsekoly nifampidinika tamin’ny manam-pahefana. Taorian’ny fifampiresahana tamin’ny Mpampanoa lalàna dia navotsotra izy ireo, saingy arahi-maso akaiky kosa.
Pati
Légende : Ireto izy 15 mianadahy !