Hetsika rahampitso alakamisy

Miha miteny ny marary azy ny isan-tsehatra

Actualités
Alarobia 24 Septambra 2025

Nanao fanambarana omaly ny Fikambanan'ny Taxi

eto Antananarivo Renivohitra na FTAR fa ho avy sy hanontrona ny hetsika ataon'ny filohan'izy ireo, izay sady mpanolontsain'ny tananan'Antananarivo, Clémence Raharinirina, rahampitso alakamisy 25 septambra 2025. Ankoatra izay dia mitaky tsy misy fepetra ny hanafoanana ny Taxi-moto na ireo kodiaran-droa eto Antananarivo renivohitra izy ireo. Hatramin'izay nisian'ny Taxi-moto izay, hoy ny fanazavana, dia nihena ny fidiram-bola ka mahatsiaro mijaly sy sahirana. Indraindray aza tsy mitondra mody na Ariary, hoy hatrany ny fitakian'ny FTAR. Isan'ny tsikaritra ho nifandimby naneho ny heviny ihany koa ireo mpanakanto sy mpitondra fivavaha, hatramin'ny mpanao hatsikana, indrindra, manoloana ity olan'ny herinaratra sy rano ity. Miha miteny ny marary azy, araka izany, ny isan-tsehatra, raha ny hita hatreto aloha mikasika ity hetsika rahampitso alakamisy ity.
Nangonin'i J. Mirija