Herisetratamin’ny zaza tsy ampy taona

Nodorany ny tanan’ny zanak’ilay sakaizany

Actualités
Alakamisy 31 Aogositra 2023

Vehivavy iray 35 taona no tsy maintsy nosamborin’ny Polisy tao Sambava ny 29 Apgositra

teo tokony ho tamin'ny 05 ora sy sasany hariva rehefa nanao herisetra tamina zazalahy kely tsy ampy taona iray. Raha tsiahivina kely ny tantara dia naharay fitarainana tamin'ny mponina teny an-toerana ny Polisy miasa ao Sambava fa misy Ramatoa iray mpitazona toeram-pisakafoanana mampijaly fatratra sy manao herisetra amin’ilay zazalahy kely miasa ao aminy. Nidina ifotony nijery ny zava-misy ny Polisy nanoloana izany ka avy hatrany dia nisambotra io vehivavy io. Tamin'ny fotoana nijerena ilay zazalahy kely dia hita fa nodoran’ilay ramatoa ny tanany ary nahitana ratra maromaro ihany koa ny vatany. Noentina teny amin'ny biraon'ny Polisy tao Sambava ity ramatoa ity natao famotorana ka taorian'ny fanadihadiana natao taminy dia fantatra fa zanaky ny sakaizany ihany io tovolahy kely hanaovany herisetra io.
Pati Legende : Ity ilay Ramatoa nahavanon-doza tamin’ny zanaky ny sakaizany !