Herisetra teny Ampahibe

Miaramila 8 lahy no notanana am-ponja

Actualités
Alatsinainy 27 Mey 2024

Miaramila 8 lahy no notanana am-ponja vonjimaika eny Antanimora rehefa notorian’olona noho

ny fanaovana herisetra, izany hoe nidaroka sady nandratra olona, teny Ampahibe ny alin’ny 19 may teo, raha ny fampitam-baovao voaray ny sabotsy teo. Nikotaba teo ivelan’ny tranona olon-tsotra izy ireo nanodidina ny tamin’ny 8 ora alina teo. Niteraka tsy fifankahazoana izany. Nanamparan’ireo miaramila ireo daroka sy vono anefa ilay tompon-trano. Niaro tena izy fa tsy nahatohitra ireo miaramila maro an’isa. Samy nikasi-tanana azy avokoa ireo 8 lahy. Naratra mafy vokatr'izany vono niniana natao azy izany io lehilahy io. Nitsoaka kosa ireo nahavanon-doza taorian'izay, raha ny fampitam-baovao voaray hatrany.
J. Mirija