Actualités

Hazo eto Madagasikara Mbola voarara ny fanapahana sy fanondranana

Actualités
Alakamisy 22 Oktobra 2020

Voarara ny fanondranana hazo makany ivelany, azo atao ny mivarotra sy mampiasa ireo tahirin-kazo tsotra entina handaminana ny sehatra miasa amin’ny hazo tsotra, araka ny fampahafantarana nandritra ny filankevitry ny minisitra omaly.

Raràna kosa ny fivarotana sy fanondranana izany any ivelany, fa ireo vokatra efa voarafitra ihany no azo haondrana. Nambara fa miditra amin’ny sehatry ny ara-dalàna isika, ka ireo tahirin-kazo ihany no azo amidy sy ampiasaina, mbola voarara ny fanapahana. Hisy mason-tsivana amin’ny famoahana ireo vokatra, hapetraka ny tambajotra fanaraha-maso ny fivezivezen’ny hazo sy ny famoahana izany isam-paritra. Hamafisina ihany koa ny fiarovana ireo faritr’ala mba hisorohana ny fanapahana hazo amin’ny fitrandrahana tsy ara-dalàna, ary hampitomboina ny faritra hovolena hazo mba hahatrarana ny tanjona fandrakofana ala an’i Madagasikara, hoy hatrany ny tatitry ny Filankevitry ny Minisitra.

Toky R