Actualités

Partagé sur :
• facebook

Fifaninanan-kira momba ny tontolo iainana natokana ho an’ny mpanakanto rehetra izay tsy mbola matihanina no karakarain’ny Germano-Malagasy sy ny Giz ao Mahajanga

Maro ny olana sedraina amin’ny fahasimban’ny tontolo iainana eto Madagasikara ka izay indrindra no nahatongavan’ireto fikambanana sy ny tetikasa ireto hanao izao hetsika izao. Fampandraisana anjara mivantana an’ireo vahoaka hitandro ny tontolo iainana no anton’ny fifaninanana, hoy ny mpikarakara. Tsy dia mifidy gadona ny hetsika. Kendrena ho dimy minitra ny faharetan’ny hira iray ary atao ao anatin’ny kapila mangirana izany avy eo miaraka amin’ny toniny amin’ny teny Malagasy sy Frantsay. Takian’ireo mpikarakara ihany koa ny famoahana ny rakikira amin’ny fomba maha mpanakanto mba hampisy lanjany ny hira mivoaka. Natao ho an’ireo mpanakanto vao misondrotra ny fifaninanana.  Nampitondraina lohateny hoe: “hira maitso 2014” ny hetsika ary tao amin’ny faritra Analamanga no nisantarana azy, notohizana any amin’ny faritra Boeny izao indray. Horaisin’ny GIZ ireo hira tsara voafidy ary hampiasaina amin’ny fanentanana amin’ny ady amin’ny tontolo iainana eto amintsika. Tsara ho fantatra mantsy fa mahatratra 21 000 taonina isan-taona ny hazo ripaka hanamboarana harona nefa ny mponina eny ambanivohitra tsy dia mazoto loatra amin’ny fambolen-kazo.                                                                                                                           

Tia Tanindrazana

Samia mijoro ho an'i Gasikara.