Actualités

Gare routière Vatofotsy Antsirabe Kaoperativa 23 no tsy mankasitraka ny fizarana azy

Actualités
Alakamisy 02 Novambra 2017

Nanao fangatahana tamin’ny tompon’andraikitra mahefa amin’ny hanatsarana ny toby fiantsonana zotram-pitaterana rezionaly ao Vatofotsy Antsirabe ireo kaoperativa manatanteraka asa amin’ity “ligne”

ity ary efa andalam-panatanerahana ny asa fanamboarana ankehitriny. Heno anefa ankehitriny fa nomena an’izany zotra vaovao 1ère Classe izany ny 1/3 n’io tany io fa ny 2/3 ambiny kosa no hifampizaran’ny kaoperativa 27 miasa mampitohy an’Antananarivo sy Antsirabe. Fanaovana mizana tsindrian’ila fotsiny tsotra izao ny fiheveranay an’izany fanapahan-kevitra izany hoy ny kaoperativa 23 amin’ireo 27 ireo, izay notarihan’ny filohan’ny FMMZN sy ny filohan’ny UCTRV ary ny filohan’y TRANSWELL, ka namoaka fanambarana am-pahibemaso tetsy Andrefan’Ambohijanahary tamin’ny alatsinainy 30 oktobra teo satria efa nisy didy nivoaka fa tsy misy fanomezan-dalana zotra vaovao intsony ho an’Antsirabe-Antananarivo ary tsy misy fanitarana azo hatao koa. Tsy mankasitraka an’io fanomezana ampahan-tany ho an’ny olona vaovao hanokatra zotra hifaninana aminay any Antsirabe io izahay, hoy izy ireo ka manainga ny tompon’andraikitra mahefa mba hijery an’ity toe-draharaha ity fa raha mba nazava ny tolo-bidy tamin’izany fitaterana 1ère Classe izany dia mba afaka navadika amin’izany koa ireo fiaranay rehetra, hoy izy ireo

Ntsoavina Evariste