Actualités

Gaëlle Borgia Mpanao gazety malagasy nahazo ny Pulitzer 2020

Actualités
Alarobia 06 Mey 2020

Ny mpanao gazety malagasy, Gaëlle Borgia, no nahazo ny loka Pulitzer 2020, ho an’ny sokajy International Reporting.

Izy ity moa dia fankasitrahana iraisam-pirenena atolotra ho an’ireo fanadihadiana mendrika indrindra mahakasika raharaha mahaliana eo amin’ny tontolon’ny fampahalalam-baovao maneran-tany. Ny fanadihadiana nataon’ity mpanao gazety ity momba ny fitsabahan’ny Rosianina tao anatin’ny fifidianana filoham-pirenena teto Madagasikara ny taona 2018 izay nivoaka tao amin’ny gazety vahiny, New York Times, ny novambra 2019 teo no nampitodika ny safidin’ireo mpitsara ho any aminy. Izy moa dia mpanao gazety mpanadihady iraisam-pirenena manao ny asany eto Madagasikara. Maromaro ireo haino aman-jery iraisam-pirenena hampitany vaovao. Isan’ireny, ohatra, ny France 24 sy TV5 Monde.

J. Mirija