FONJABEN'ANTANIMORA

Vehivavy 200 isaky ny efitrano, misy 2 torana isan-kalina

Actualités
Alakamisy 20 Novambra 2025

Mafy ny mahazo ireo vehivavy sy

Renim-pianakaviana mifonja ao amin'ny fonjaben'Antanimora. Raha araka ny loharanom-baovao azo mantsy dia mahatratra 200 isaky ny efitrano ny isan'izy ireo ankehitriny, izany hoe : mahatratra 1000 isa misandrahaka amin'ireo efitrano miisa 5. Mafanabe, sempotra ka torana mihitsy ny sasany vokatr'izany izay mahatratra 2 isan-kalina raha kely hoy hatrany io loharanom-baovao io. Manampy trotraka izany ny tsy fahampian'ny torimaso. Ora 2 na 3 isan-kalina mantsy no mba matory ny vehivavy iray noho ny fahateren'ny toerana. Mitaingina eny ambonin'ny sasany ny tongotry ny sasany dia mifandimby tahaka izany mandrapaharainan'ny andro. Mbola matory amin'ny tany ihany koa eo an-daniny, trangam-piainana izay tena mafy tokoa. Tsiahivina moa fa mbola mifangaro ao avokoa ireo vehivavy voafonja efa vita Fitsarana na tsia. Toraka izany ireo efa voaheloka mandrapahafatiny. Miantso an-dRtoa Fanirisoa Herinaivo izy ireo noho izany mba hijery akaiky ny tranga hiainany na dia amin'ny maha-olombelona fotsiny ihany aza.
Pati
Légende : Feno tanteraka ny fonjaben'Antanimora ka tokony ilana fiheverana !