FOARA TRANO ANDIANY FAHA-4

Fahombiazana sahady ny andro voalohany

Actualités
Zoma 25 Jolay 2025

Fahombiazana sahady ny Foara Trano andro voalohany, tanterahina nanomboka

omaly Alakamisy 24 Jolay etsy amin’ny kianjan’i Barea Mahamasina, karakarain’ny Master Agency. Olona marobe sahady mantsy no tonga nitsidika ny hetsika izay marihina fa nahitana sokajy maro. Lohalaharana amin’izany ireo vao hanamboatra trano. Misy koa ireo efa manamboatra mihitsy ankoatra ireo vao manam-pikasana ary efa manomboka manangona fitaovana tsikelikely. Ho an’ny Mora Tole manokana izay anisan’ny mandray anjara amin’ity Foara Trano ity dia nambaran-dRtoa Kesia fa ny tafontrano no tena be mpividy indrindra no sady manaraka ny fivoaran’ny toetr’andro. Manana ireo karazana tafo mamaly ny filan’ny mpanjifa rehetra mantsy izy ireo toy ireo tsy mety arafesina, ireo tafo plastika, ireo manaraka ny lokon’ny trano izay tadiavin’ny tompony….Afaka manoro hevitra ihany koa izy ireo no sady mitatitra izay maimaim-poana ho an’ny eto an-drenivohitra sy ny manodidina. Hifarana amin’ny Alahady 27 Jolay ho avy izao ny hetsika. Tsy misy ny vidim-pidirana fa maimaim-poana.
Pati
Legende : Ny tafontrano no tena be mpitady eto amin’ny Mora Tole hoy Rtoa Kesia !