FIZAHANTANY ETO ANALAMANGA

Mahatratra 3 hetsy isan-taona ireo vahiny matory amin’ny Hotely

Actualités
Zoma 01 Aogositra 2025

Ny 90%-n’ireo mpizahantany vahiny tonga eto Madagasikara isan-taona

dia mandalo eto amin’ny Faritra Analamanga avokoa. Ny 3 hetsy amin’izy ireo isan-taona no fantatra fa matory amin’ireo karazana trano fandraisam-bahiny maro samihafa. Mba hahafahana mitazona azy ireo haharitra eto Analamanga ary dia namoaka ilay boky mitondra ny lohan-teny hoe : Tsidi-bohitra ny ORTANA na ny Ofisy rezionalin’ny fizahantany eto Antananarivo, misy pejy 128 isa. Mirakitra ireo karazana toerana mahafinaritra sy mahaliana eto amin’ny faritra Analamanga io boky io, azo hatao amin’ny alalan’ny dia an-tongotra, amin’ny bisikileta nefa mety amin’ny soavaly ihany koa. Na izany aza ny 60% -n’ny toerana azo tsidihina eto Analamanga amin’ny ankapobeny dia azo hatao amin’ny alalan’ny dia an-tongotra avokoa. Raha azontsika soa aman-tsara ireo mpizahantany vahiny marobe ireo dia mety hampiditra vola hatrany amin’ny 1 miliara sy 500 tapitrisa Ar any ho any isan-taona raha araka ny fanazavana azo. Samy manao ezaka hahafahana mitazona ireo mpizahantany vahiny hankafy an’Analamanga araka izany ireo tompon’andraikitra voakasika na dia hitsidika sy hankafy ny hankaton’ny tontolo ambanivohitra fotsiny aza.
Pati
Legende : Tafiditra ao anatin’ireo boky avokoa itony karazana toerana mampahalaza an’Imerina itony !