Fivorian’ny SADC

Gejaina tsy hihetsika ny mpianatry ny oniversite

Actualités
Alakamisy 14 Aogositra 2025

Tsy azo anaovana na inona na inona amin’ity anio ity eny Ambohintsaina

izany hoe ny faritry ny oniversiten’Antananarivo, raha ny naoty navoakan’ny fitondràm-panjakàna omaly. Ny fifanakalozan-kevitra voalaza ho an’ny rehetra amin’izao fandraisana ny SADC na seha-barotra aty atsimon’i Afrika, izay atao ao amin’ny Grand Amphi Fac EGS ao Ankatso ihany, mazava ho azy, no mahazo atao eny an-toerana amin’ity anio ity. Voalaza fa na inona na inona hetsika hafa ankoatran’izay dia tsy mahazo atao ho an’ity andron’ny 14 aogositra 2025 ity. Iantefàn’ity naoty avy amin’ny fitondràm-panjakàna amin’ny alalan’ny minisiteran’ny fampianarana ambony sy fikarohana ara-tsiansa ity avokoa, raha ny fanamarihana voaray, ireo rantsa-mangaikan’ny oniversiten’Antananarivo rehetra manomboka amin’ny fitantanana ny oniversite ka hatrany amin’ireo fikambanan’ny mpianatra. Ho giazana koa, araka izany, ny anjerimanontolo noho ity fivorian’ny SADC ity.
J. Mirija