Actualités

Fitsarana Hiditra hiasa avokoa ireo sampam-pitsarana rehetra

Actualités
Alarobia 01 Jolay 2020

Hiditra hiasa avokoa ireo sampam-pitsarana rehetra manerana ny Nosy. Hisy valandresaka ho an’ny mpanao gazety ho fampahafantarana izany, hotanterahina ao amin’ny trano famakiambokin’ny Fitsarana ambaratonga voalohany

Antananarivo ny alarobia 1 jolay 2020 amin’ny folo maraina. Taifitra amin’ny asa miandry ireo sampam-pitsarana isan’ambaratonga ny fanilihana ireo vary mangatsiaka, dia ireo dosie tsy mbola voatsara ka nampitombo izay tsy izy ireo olona voatana am-ponja. Nilaza ny Mpitahiry ny fitombokasem-panjakana, minisitry ny Fitsarana Andriamahefarivo Jhonny Richard, ny 22 jona 2020, fa « feno avokoa ny fonja » indrindra ny eto Antananarivo sy ny ao Toamasina. Nanome toromarika izy fa « tsy vahaolana ny fampidirana am-ponja isak’izay mihetsika (systématique) » saingy ankinina amin’ny fahaleovantenan’ny Mpitsara ny mandinika sy mandanjalanja ny didy raisiny. Heverina fa tafiditra amin’ny lojika fampihenana ny isan’ireo voatana am-ponja izao fiverenan’ny asa amin’ireo sampam-pitsarana rehetra izao, tsy nisy rahateo ny fanalefahan-tsazy nataon’ny fanjakana tato anatin’izao fahamehana ara-pahasalamana nisesy izao na dia fantatra aza fa efa tafiditra any am-ponja ny covid-19.

Jean D.