FITSARANA ANOSY

Mbola misy raharaham-pitsarana 50.000 isa miantona

Actualités
Talata 14 Mey 2024

Mbola mahatratra 50.000 ireo raharaham-pitsarana mihantona eo anivon’ny Fitsarana ambaratonga

voalohany etsy Anosy Antananarivo. Ezahina hovitaina ao anatin’ny 5 na 6 volana ireo raharaham-pitsarana ireo raha araka ny fanazavana azo omaly ka hanampy mpiraki-draharaha miisa 50 ny Minisiteran’ny Fitsarana raha ny nambaran’ny minisitry ny Fitsarana, Landy Randriamanantenasoa, omaly. Tanjona ny hanomezana fahafaham-po ireo olona manan-draharaha eny amin’ny fitsarana an-taonany maro nefa tsy misy valiny. Solosaina miisa 25 no natolotra ny Fitsarana ambaratonga voalohany Antananarivo omaly. Izany no natao dia mba hahafahana manafaingana ny raharaham-pitsarana amin’ny alalan’ireo fitaovana vaovao ireo. Mbola hitohy amin’ny fanomezana ireo fitaovana ho an’ireo fitsarana rehetra manerana ny Nosy araka ny filàna voasoritra avy moa izao fanampiana entin’ny Ministra tompon’andraikitra izao.
Pati
Legende : Nandritra ny fanolorana ny fitaovana omaly !