Actualités

Fitokanana zava-bita tao Toamasina Saika voatapim-bava i Roland Ratsiraka, tsy nampitenenina ny lehiben�ny Faritra

Actualités
Sabotsy 21 Jona 2014

Notokanana omaly ireo lalana maromaro nasiam-panamboarana tao Toamasina tampon-tan�na.

Nanao rodobe tany an-toerana ny mpanatanteraka notarihin’ny filohan’ny Repoblika sy minisitra folo be izao. Hitatra any amin’ireo Distrika hafa ny asa fanamboarana, ka voakasik’izany ny lalam-pirenena faha-5 mihazo an’i Mananara Avaratra sy Maroantsetra raha araka ny nambaran’ny minisitry ny asa vaventy Roland Ratsiraka. “Mariky ny demokrasia sy fampihavanana ny Malagasy ary mariky ny fampandrosoana, ny fahavitan-dalana tahaka izao”, hoy kosa Atoa Rajaonarimampianina Hery. Nandritra ireo hetsika fitokanana rehetra tao Toamasina ireo, dia tsy nahazo fitenenana na indray mandeha aza ny lehiben’ny Faritra Atsinanana. Efa saika notapenam-bava koa aza ny minisitry ny asa vaventy saingy nisy ny fifandresen-dahatra vao niova ny arofenitra, ireo minisitra tao anatin’ny delegasionina moa dia mpameno sehatra fotsiny ny ankamaroany, ka amin’ny fihaonana manokana ataon’izy ireo amin’ireo mpiasan’ny minisitera vao hanararaotra handray fitenenana. Anisan’ny tao anatin’ny delegasiona niara-dia tamin’ny filoha ihany koa Atoa Pierrot Rajaonarivelo.