Actualités

Fitaterana Atsimondrano Najoro ny mpanara-maso ho fampiharana ny "bokin'andraikitra"

Actualités
Alarobia 25 Jona 2014

Gaboraraka ny fitaterana teny Atsimondrano nandritra ny dimy taona, hoy ny lehiben�ny Kaoperativa Cotrasmar fitaterana Atsimondrano noho ny tsy fahavitan'ny minisitera namoaka ny ny bokin'andraikitra na � cahier de charge �.

Mba hahafahana manatsara ny asa sahanin'izy ireo ary dia nanapa-kevitra ny kaoperativan’Atsimondrano izay ahitana ny Zotra G, miaraka amin’ny Kaominina sy ny ATT fa hanao izay ho afany amin'ny fandrafetana io bokin'andraikitra io. Ny Alakamisy lasa teo no nanatanterahana izany mba hisian'ny fanaraha-maso akaiky ny asa sy hirindran'ny asa fandraharahana sahanin'izy ireo. Ny fahavitan’ity « Cahier de Charge » ity dia midika fa ho hentitra ny fanaraha-maso ny fitsipika tokony harahan’ny mpamily sy ny mpanampy azy amin’ny fitondrana ny fiara fitateram-bahoaka, hoy i Maradona. Efa najoro koa ny CSC « Commission mixte de Contrôle » izay ahitana ny solontenan’ny Kaominina, ny Att, ny Kaoperativa, ny Mpanjifa ary ny Zandarimaria izay samy hanara-maso ny fampiharana ny lalàna eny rehetra eny. Afaka 10 andro no hanomboka ny fampiasana ny « Cahier de charge » sy ny fampiharana azy ho an’ny kaoperativan’Atsimondrano izay ahitana ny zotra G.