Actualités

Fitantanana ny RNM Nandray ny toerany i Raherinandrasana Tharcisius

Actualités
Zoma 03 Febroary 2023

Nandray ny toerana maha talen'ny Radiom-pirenena malagasy na RNM azy ny mpanao gazety Raherinandrasana Tharcisius omaly 2 febroary rehefa avy nankatoavin'ny filankevitry ny minisitra ny 1 febroary ny fanendrena azy.

Tsy vaovao amin'ny asa eo anivon'ny haino aman-jerim-panjakana intsony ny tenany ary efa nisahana andraikitra manan-danja na teo anivon'ny televizionina na teo anivon'ny radio izay taninketsa niaingan'i Tharcisius Raherinandrasana", hoy ny fanazavana. Efa nisahana ny fitaleavana iraisam-paritr'Analamanga sy Vakinankaratra ny tenany ary lehiben'ny sampan-draharahan'ny fampahalalam-baovao teo anivon'ny Televiziona Malagasy. Ny traikefany, ny fahavononany no anisan'ny antony nanosika ny minisitera hanendry azy amin'io toerana io. Nanatrika ny lanonana famindram-pitantanana ny Sekretera jeneralin'ny minisiteran'ny serasera sy ny kolontsaina, Ralaimazava Johary, nisolo tena ny minisitra Rakotondrazafy Andriatongarivo Lalatiana, hoy hatrany ny fanazavana.
J. Mirija