Fitantanan-draharaham-panjakàna

Miha mihidy tsikelikely indray ny «robinet»

Actualités
Alakamisy 02 Oktobra 2025

Nitohivakana ny fanambaràna sendikaly mikasika

ny fampitsaharan’izy ireo ny asa aman-draharahany an-davan’andro tato anatin’izay 6 andro izay. Nanao ny fitokonany koa omaly ireo mpiasa eo anivon’ny minisiteran’ny fahasalamàm-bahoaka. Miha mihidy tsikelikely indray, araka izany, ny fitantanan-draharaham-panjakàna na ny «robinet», hoy ny fomba malaza nitenana azy izay tao anatin’ny tetezamita 2009 hatramin’ny 2013. Miitatra hatrany ny fitakiana isan-tsehatra manoloana ireo heverina fa tsy fihetezan-javatra maro eto Madagasikara amin’izao fotoana izao, na ara-tsosialy io na toekarena na politika na fahasalamàna, araka ny nambara teo, sy sehatra hafa maro tsy voatanisa. Tsy azo ihodivirana ny krizy vaovao saingy andrasana aloha izany izao hoe ahoana no hiafaràn’ity tolona niainga tamin’ny antsoina hoe «Hetsika tsy manaiky lembenana» ny 18 septambra teo nanoloana ny antenimieran-doholona ity?
J. Mirija