Actualités

Partagé sur :
• facebook

Tena sempotra ny fanjakana amin’ny fitadiavana vahaolana amin’ny fitakian’ny mpampianatra mpikaroka mivondrona ao amin’ny Seces.

 Omaly nandritra ny fivorian’ireo mpampianatra no nahafantarana fa efa nahazo  taratasy mandidy amin’ny fandoavana ny vola takian’ireo mpampianatra amin’ny fanjakana ny tahirim-bolam-panjakana sy ny ministeran’ny vola saingy raha manaraka ny fepetra  mahazatra izany antontan-taratasy  izany dia  mety amin’ny volana oktobra vao ho azo io volan’ny mpampianatra mpikaroka io. Ny fitakian’ny avy ao amin’ny Seces izany dia ny mba hamoahan’ny  filoham-pirenena didy  mba hampandoavana io vola io ivelan’ny fizotrany andavan’andro aloha amin’izy dia  mba mety hivoaka volana  jolay izany tambi-karama izany . Momba  ny fampiharana  ireo  didy telo mikasika ny tambin-karama manaraka  kosa dia takian’ny  mpampianatra mpikaroka ny hanaovan’ny minisitry ny vola sy ny teti-bola sy ny ministry ny  fampianarana ambony taratasy fanekena voasonia fa haloan’izy ireo  ara-potoana ny zon’ izy ireo. 

Tsy hanaiky taona fotsy ny mpianatra

 Eo indray  aloha izany no mikatso ny  raharaha ka andrasana ny ho valitenin’ny fanjakana izay efa nahavita dingana lehibe ihany.Etsy ankilany  kosa ny  mpianatra dia miandry izay  tena ho fanapahan-kevitry ny  Seces na hihenjana hatramin’ny farany na hilefitra hanaraka ny  fandaminana natolotry ny  fanjakana ihany. Raha tsy  miravona mantsy io  fifanarahana eo amin’ny  fanjakana sy ny Seces io ka lasa taona fotsy ny  taom-pianaranay dia tsy maintsy hihetsika izahay amin’ny herinandro ambony hoy ny  avy ao amin’ny Degs  ary  tsy izy ireo irery ihany araka ny fantatra fa ny  sampana rehetra mihintsy .

Andry Ratovo        

Tia Tanindrazana

Samia mijoro ho an'i Gasikara.