Firenena malagasy sy Suisse

Nifanekena ny hanagiazana ireo vola maloto

Actualités
Zoma 05 Desambra 2025

Nisy ny fihaonana teo amin’ny mpitahiry

ny fitombokasem-panjakana, minisitry ny fitsarana malagasy, Fanirisoa Ernaivo sy ny minisitry ny raharaham-bahiny sady sekreteram-panjakana eo anivon’ny fitsarana soisa, Franz Xaver Perrez, raha ny fampitam-baovao voaray omaly, ka nandritra izany no nisy ny fifanarahana teo anivon’ny firenena malagasy sy ny firenena soisa. Nisongadina tamin’izany ny fiverenan’ny fiaraha-miasa ara-toekarena sy sosialy eo amin'ny fanjakana roa tonta. Voaresaka tamin’ny fihaonana ihany koa ny fanamorana ny fifanakalozana mpiasa sy mpianatra malagasy any Soisa. Mahakasika ny fiainam-pirenena dia nifanaiky ny fanjakana roa tonta ny amin’ny fanagiazana ireo fanananana sy kaonty any Soisa an’ireo teratany malagasy izay voakasika amin’ny raharaha maloto. Eo ihany koa ny fampodiana an-tanindrazana ireo olona voaheloka, na aty Madagasikara izany, na any Soisa ary ny fifanekena amin'ny famerenana na "rapatriement" an-tanindrazana ireo vola izay giazan’ny fanjakana malagasy, raha ny fampitam-baovao voaray hatrany.
J. Mirija