Fiovaovan’ny toetr’andro

Miha marikivy ny voankazo

Actualités
Zoma 27 Desambra 2024

Tsikaritra ho miha marikivy ny voankazo tokony hahitàna hamamiana amin’izao fotoana izao

manoloana ny fiantraikan’ny fiovaovan’ny toetr’andro eto Madagasikara. Araka ny fanazavàna nomen’ny tekinisianina momba ny fambolena moa dia raha tokony hamokatra ny akora antsoina hoe «fructose», izay singa manome hamamiana voankazo ny sela iray dia lasa ny vitaminina C no tena vokariny, noho ilay tsy fahampian’ny rotsak’orana. Mety ahitana otrikaina hafa ihany toy ny vitaminina A sy io «fructose» voalaza teo io ihany ao saingy lasa kely dia kely. Mahatsiaro ho mila mamokatra betsaka izay vitaminina C izay ilay voankazo noho ilay tsy fahampian’ny rano ao anatiny, hoy hatrany ny fanazavàna.
J. Mirija