Fiombonan’ny mpanao gazety

Kristianina malagasy Hanamarika ny fijoroany

Actualités
Alarobia 22 Oktobra 2025

Ho marihina amin’ny fomba ofisialy ny

2 novambra 2025 izao ny fijoroan’ny Fiombonan’ny mpanao gazety Kristianina malagasy na FMGKrima, raha ny fampitam-baovao voaray omaly. Fanompoam-pivavahana arahina rindran-kira goavana no atolotry ny fikambanana ho an’ireo izay tonga hifanontrona amin’izy ireo amin’io fotoam-dehibe io, raha ny fanazavàna voaray. Mpanakanto ara-pilazantsara samihafa moa no hanafàna ny fotoana. Ao anatin’izany ny STK Ifarihy Famonjena, STK Antsan’ny Gileada, STK Ambohidahy vaovao, Groupe Shyir, Chorale Trompetra polisim-pirenena, Groupe Miantefa, STK Anosibe Zaivola, Fara Andriamamonjy. Eny amin’ny FJKM Ambohidahy vaovao no fotoana amin’io, manomboka amin’ny 2 ora sy sasany tolakandro, hoy hatrany ny voalaza.
Nangonin’i J. Mirija