Finiavana mivarotra vary simba

Handray fepetra ny minisiteran'ny varotra

Actualités
Alarobia 25 Febroary 2026

Vary 3 kamiao, milanja 96 taonina,

izay simba tratry ny rano taorian’ny fandalovan’ny rivodoza Gezani no sarona saika hamidy tao Ambatolampy, raha ny fampitam-baovao voaray omaly. Hisorohana ny fiparitahan’ny vary simba eny an-tsena dia hisy ny fanaraha-maso akaiky hatao, hoy ny ministeran'ny varotra. Hampihatra ny lalàna sy ny sazy ny minisitera ho an’izay minia mivarotra ireny vary simba ireny, hoy ihany ny fanazavana. Tsy vao izao no nitrangana finiavana hanao karazam-barotra tahaka izao, raha tsiahivina, fa saika nahitana izany hatrany anefa taorianana fandalovana voina toy izao rivodoza izao teto amin'ny firenena. Antony, raha tsiahivina ny fanazavana isan'ny voaray tamin'ny fotoan'andro, ny fanararaotana ny fahantran'ny mpiray tanindrazana. Samy nahatsiahy ny trangana fandoaran'ireo mponina ilay vary simba nilevina tao andrefana tao rahateo ny mpanara-baovao rehefa maheno tranga toy itony. Tranga izay niseho tanatin'ny fitondrana teo aloha!
J. Mirija