FILOHAN'NY SMKAR

Avelao aloha hiasa ny PDS

Actualités
Alarobia 22 Aprily 2026

Avelao aloha hiasa ny Filohan'ny

delegasiona manokan'ny tananan'Antananarivo hoy Raharijaona Jean François Filohan'ny sendika mahaleotenan'ny kaominîna Antananarivo renivohitra na ny SMKAR. Ny asa vita no hifampitsarana hoy izy. Ho an'ny SMKAR manokana na dia nangataka olona tsy miandany amin'ny atsy sy ny aroa na avy amin'ny antoko politika hapetraka ho PDS aza izy ireo dia tsy manohitra velively ny fanapahan-kevitra noraisin'ny Fitondram-panjakana kosa amin'ny maha-tompom-pahefana feno ireto farany. Efa Ralambomanana Feno no nomena ny toerana hoy izy dia aleo hataony aloha ny asa. Mety aminay rehefa mamaly ny filan'ny mpiasa sy ny hetahetan'ireo vahoaka marobe eny ifotony mandoa hetra isam-bolana. Notsiahivin-dRaharijaona Jean François moa fa tompon'antoka koa ny sendika rehefa tsy mandroso ny tanana. Mitaky vokatra mahomby ihany koa izy ireo noho izany ho tombontsoan'ny olom-pirenena.
Pati
Légende : Izy no Raharijaona Jean François, Filohan'ny SMKAR !