Actualités

Filankevitry ny minisitry ny SADC Nodinihana ny fihaonana an-tampony sy ny fanarenana toekarena

Actualités
Alatsinainy 17 Aogositra 2020

Nandray anjara tamin` ny filankevitry ny minisitry ny SADC tamin` ny alalan` ny “visioconference” i Madagasikara ny 13 aogositra lasa teo.

Isan` ireo teboka nodinihana dia ny fanomanana ny fihaonana an-tampony faha-39 eo anivon` ny SADC sy ny fanarenana tsy maintsy atao vokatry ny aretina Covid 19. Mahakasika ny teboka voalohany dia hijery manokana ny fampivoarana indostrialy mahomby sy maharitra, ny varotra eo anivon` ny faritra sy ny famoronana asa. Manampy izany ny fanamafisana sy ny fametrahana ny filaminana, ny fitantanana ary ny fanomanana ny tetiandro aorian` ny taona 2020 eo anivon` ny SADC. Notsindrina manokana ihany koa ny lavitr` ezaka amin`ny taona 2050 hahafahan` ny rehetra migoka ny voka-tsoa ara-toekarena ary ny rariny sy ny fahafahana. Hahafahana manatratra izany dia ho hatsaraina ny sehatry ny indostria, ny tsenam-barotra, ny fanatsarana ny fotodrafitrasa sy ny fampiofanana ireo mpisehatra rehetra. Marihana fa ity no filankevitry ny minisitry ny SADC handaminana ny fivoriana ara-potoanan` ireo filoham-pirenena sy ireo governemantan` ny SADC izay atao ny 17 aogositra izao.

Marigny A.