Filan-dratsy

Ray niteraka nahabevohoka ny zanany vavy

Actualités
Alatsinainy 23 Desambra 2024

Ray niteraka no nahavita nahabevohoka ny zanany vavy naterany vao 16 taona monja

tany amin’ny kaominina ambanivohitra Sabotsy Namehana, distrikan’Antananarivo Avaradrano. Efa 3 volana ny kibon’io zaza io ankehitriny nandritra ny fotoana nitondran-dReniny azy teo anivon’ny zandarimariam-pirenena. Efa nalefa any amin’ny Centre Vonjy eny Befelatanana moa ilay zazavavy kely ho arahimaso ara-pahasalamana sy hahazo fanohanana ara-moraly.Ilay Ray nahavanon-doza kosa nosamborina ary notazomina am-ponjakely mba hanaovana famotorana amin'ny heloka niampangana azy. Hatolotra ny fitsarana anio Alatsinainy 23 Desambra moa ny raharaha aorian’ny fanadihadiana hatao amin’ilay Renim-pianakaviana mpitory sy ilay zanany vavy ary ireo mpiara-monina izay nijoro vavolombelona. Vokatry ny fandresen-dahatra nataon’ny CIRGN Antananarivo tamin’ny alala’ny hafatra miafina moa no nanosika ity Renim-pianakaviana tompon-janaka eny Sabotsy Namehana ity nitory ilay vadiny.
Pati
Legende : Any am-ponja no hanao fety ilay ranamana ity vokatry ny filan-dratsy tsy voafehy !