Actualités

Fikojakojana ny lalam-pirenena faha-4 Tsy mbola tontosa ny ampahany eny Talatamaty

Actualités
Talata 23 Septambra 2014

Andrasana ny fanamboarana ny ampahan-dalana mandalo eny amin�ny faritr�i Bel�Air Talatamaty avy amin�ny minisiteran�ny Asa Vaventy izay tafiditra ao anatin�ny lalam-pirenena faha-4 mampitohy an�Antananarivo sy Mahajanga, hoy ny ben�ny tan�na Razafindratsimba Rado

. Mijanona amin’ny asa sahanin’ny mpitantana ny tanànan’i Talatamaty. Miezaka ny manatanteraka ny fanamboarana ireo lalana mampitohy ireo fokontany mandrafitra ny kaominina ambanivohitra miaraka amin’ny fikojakojana ireo fotodrafitrasa efa misy fampiasan’ny mponina amin’ny fifamezivezen’ny manodidina ihany koa ny ben’ny tanàna sy ireo mpiara-miasa aminy. Fantatra fa fokontany 5 ao amin’ny kaominina Talatamaty no hahazo tombontsoa amin’ny fanorenana toerana fanasan-damba sy trano fivoahana avy amin’ny «Agence Française de Développement» andiany faha-2 izay hanomboka amin’ny volana febroary 2015, araka ny fanampim-panazavana azo. Hihazo an’i Nosy Be Hellville ny 2 hatramin’ny 7 oktobra hifampizara traikefa sy fahaiza-manao amin’ireo mpitantana fokontany any an-toerana kosa ireo tompon’andraikitra eo anivon’ny fokontany 12 ao amin’ity kaominina ity izay mikarakara sakafo arahin-korana fitadiavam-bola ny 28 septambra izao ao amin’ny Espace Nambinintsoa.