Fikaonandoha momba

ny fanabeazana Tena lavitra ny ezaka!

Actualités
Alakamisy 30 Jolay 2026

Maresaka tao anatin'ny 10 volana

teo moa izao ny atao hoe fikaonandoha. Nandeha sy mandeha daholo ity karazana fikaonandoha rehetra ity hoe mialohan'ny tena hanatanterahana ilay fikaonandoham-pirenena marina. Teo ny fikaonandoha Kristianina, ny fikaonandohan'ny tanora, ny fikaonandohan'ny mpitsara sy ny hafa maro tsy voatanisa. Raha ny trangam-piarahamonina miseho lany eto amin'ny firenena hatramin'izao aloha, ankoatran'ireo efa voalaza teo sy ny fikaonandoha mikasika ny fahandriampahalemana, dia heverina ho isan'ny lavitra ezaka indrindra hatramin'izao ny fikaonandoha momba ny fanabeazana. Rehefa mijery ny loton'Antananarivo fotsiny, ohatra, izay renivohitr'ity firenena ity saingy isan'ireo renivohitra maloto indrindra eto ambonin'ny tany koa, dia hita ho isan'ny tena mandray anjara amin'ny nahatonga izany tsy fahalavorariana izany ny tsy fahatomombanan'ny fanabeazana eto amin'ity firenena ity. Voaporofo ny tsy fahatomombanan'ny fanabeazana maha olompirenena manoloana ireo fanariana na fanaovana maloto etsy sy eroa. Ireo tena heverina ho isan'ny tokony ho isan'ny filamatra mihitsy aza moa no misy manondrana, raha ny sary hita ho niparitaka tamin'ny tambazotran-tserasera omaly. Ny fanabeazana ireo zaza madinika moa dia efa tena mampahonena rahateo, indrindra, rehefa midina any ambany ravinkazo lavitra any. Maro ireo sekoly tena hoe mitafo lanitra ara-bakinteny. Tsy manana na dabilio sy solaitrabe aza. Tena lavitra ezaka...
J. Mirija