FIKAMBANAN'NY KRISTIANA ZANAK’ANKADIMBAHOAKA

Nanohana ireo marefo ao amin'ny SaFiFaA Ampandrana

Actualités
Alarobia 23 Jolay 2025

Nisitraka tohana ara-tsosialy ireo olona marefo eo anivon'ny

SaFiFaA na Sampana Fiarovana sy Fanarenana ny Anjorombala, noho ny fahafoizan-tenan’ny Fikambanan’ny Kristiana Zanaka Ankadimbahoaka SPAA11. Teny amin’ny Gilpin Ampandrana no nanatanterahana ny fanolorana ny fanampiana ny faran’ny herinandro teo ka olona am-polony no nisitraka izany. Fotsim-bary, menaka, sira, laoka, sakafo, fitaovam-pianarana, boky, ….no natolotra tamin’izany.Tsy vao sambany no nanatanteraka asa fiantrana tahaka izao ny fikambanan’ny Kristiana Zanaka Ankadimbahoaka, fa efa fanao izany.Fijoroana ho vavolombelon’i Jesoa Kristy ny hetsika toy izao, hoy ny mpitandrina miandraikitra ity ivon-toeram-panarenana ity, Rtoa Randrianasolo Helinirina Malala Ny Aina, izay nisaotra manokana ireo mpiara-miombon’antoka. Nanao antso fanentanana izy ny mba hitsinjovana hatrany sy ho tonga hamangy ireo ankizy voahiliky ny fiaraha-monina nahazo tombontsoa ireo, indrindra fa ireo tsara sitrapo.
Pati
Legende : Nandritra ny fanolorana ny fanampiana !