Fihetsiketsehana no be dia be

Miverina hatrany ny fako be

Actualités
Talata 23 Jolay 2024

Tsy mety tafala fa miverina hatrany ny fako be eto Antananarivo, raha ny hita ankehitriny indray.

Na teo aza ny fampanantenan’ny filohan’ny delegasionina manokan’ny tanànan’Antananarivo, Richard Ramanambitana, ny amin’ny hamahana ny olana eo amin’ny fandoavana ny karaman’ny mpiasan’ny kaominina misahana ny resaka fako sy ny mikasika ireo fanonerana hafa mbola tsy voaloha rehetra natao makotrokotroka tetsy amin’ny kianja mitafon’i Mahamasina, volana vitsy lasa izay, dia hita ho fihetsiketsehana no be dia be fa miverina hatrany ny fako be hatreto. Isan’ny tsy zaka moa ny manamorona ny fiantsonam-piara fitateram-bahoaka etsy Analakely, izay misavovona dia misavovona. Toy izany koa ny hiakatra an’i Mascar sy ny etsy Amboditsiry manolona ny farmasia. Ny etsy 67ha, izay manoloanana toeram-pisakafoana na «restaurant» mihitsy. Ny etsy Avaradoha koa aza miha miverina mitady hibahana arabe indray sy ny hafa maro tsy voatanisa. Hahagaga tokoa ve i Antananarivo, renivohitr’i Madagasikara, raha ho voasokajy ho tanan-dehibe voretra indrindra eo amin’ny sehatra iraisampirenena?
J. Mirija