Actualités

Fifandraisan-davitra Tsy tara i Madagasikara

Actualités
Talata 14 Jolay 2015

Mandalo eto amintsika Atoa Houlin Zhao, sekretera jeneralin�ny Fikambanana iraisam-pirenena momba ny fifandraisan-davitra izay manana ny foibeny any Zeneva

. Omaly ny tenany no noraisin’ny Praminisitra Ravelonarivo Jean teny amin’ny toeram-piasany teny amin’ny lapan’ny Mahazoarivo. Ny fampivelarana ny fiaraha-miasa eo amin’ny firenena Malagasy sy ity fikambanana iraisam-pirenena ity no tena vontoatin’ny fahatogavan’ity tompon’andraikitra ambony ity eto Madagasikara. Fanoitra lehibe eo amin’ny fampiroboroboana ny toekarena ny fahafehezan’ny firenena iray ny teknolojian’ny fifandraisan-davitra ka izany no tokony hifehezana azy tsara, hoy atoa Houlin Zhao. Raha ny momba an’i Madagasikara kosa dia nanambara izy fa tsy azo lazaina ho tara mihitsy ny Malagasy amin’ny fanarahana ny fivoaran’ny teknolojia. Porofo azo raisina amin’izany ny efa firosoan’i Madagasikara amin’ny fampiasana ny fahitalavitra “ numerique”, ny efa fampiasantsika ny 4 G sy ny fananantsika ny fifandraisana “WIFI” izay tokony ho tanjona ny hanapariahana azy eny anivon’ny sekoly.