Fifandraisan-davitra

Sady lafo be no tsy mahafa-po

Actualités
Alarobia 23 Oktobra 2024

Efa sady lafo be no tsy mahafa-po amin’izao fotoana izao ny saran’ny fifandraisan-davitra eto Madagasikara.

Efa ela moa no niainana izany teto amin’ny firenena. Iaraha-mahalala hoe fara-faha keliny, 5 taona. 5 taona no tsy nisiana afa-tsy fihetsiketsehana isan-karazany fotsiny ary farany teo, volana maromaro lasa izay, dia hoe hanasazy na handray fepetra mikasika an’ireo mpandraharaha amin’ny sehatry ny fifandraisan-davitra ireo raha toa ka tsy mampidina ny saran’izay fifandraisan-davitra izay. Talohan’izay moa dia nisy koa izany vaomiera misahana an’ireo izany teny amin’ny antenimieram-pirenena teny saingy azo lazaina ankehitriny hoe nitsefotra tanteraka. Very an-javony! Rehefa tsy hamaha ny olana, tsy handray fepetra manoloana ny zava-misy ny fitondram-panjakana na koa hoe angady tsy mahatapaka ahitra izany dia aiza sisa no azon’ireo mpanjifa iantorahana?
J. Mirija
Sary fanehoana