Fifandraisan-davitra

Mitohy ny halatra amin’ny fomba mihaja

Actualités
Alarobia 04 Martsa 2026

Mitohy ny endrika halatra amin’ny

fomba mihaja ataon’ireo orinasam-pifandraisan-davitra eto amin’ny firenena amin’izao fotoana izao, raha ny mikasika ny tsy fahafaham-po azon’ny mpanjifa amin’ny tolotra omen’izy ireo no resahina. Isan’ny mampitaraina ny mpanjifa, ohatra, ny fisiana tolotra izay toy ny be fanomezana na «bonus» ataona zotram-pifandraisana iray nanana olana tanatin’ny volana vitsivitsy izao. Rehefa ampiasaina anefa ny tolotra dia resaka minitra no maha fongana ny tena ilaina amin’izany na dia novidiana aman’aliny aza ilay tolotra. Iaraha-mahalala ankehitriny ny firoborobon’ny fikirakiràna aterineto, indrindra, tambazotran-tserasera saingy ny tolotra mikasika izany indrindra no mora lany vetivety indrindra anatin’ilay tolotra vidiana lafo be, hoy hatrany ny fitarainan’ireo mpanjifa.
Nangonin’i J. Mirija