Fifandraisan-davitra

Miha mangana hatrany ireo mpanjifa

Actualités
Talata 23 Jolay 2024

Tafahoatra! Izay no azo ilazàna ny afitsok’ireto orinasam-pifandraisan-davitra eto

Madagasikara amin’izao fotoana izao ireto. Tsy misy izay tsy mampitaraina ireo mpanjifa ny ataony rehetra. Ratsy dia ratsy ny tolotra. Nefa mbola lafo dia lafo ihany koa. Miha mangana hatrany ireo mpanjifa, raha ny fitarainana voaray. Don-tandroka amin’ny fitondram-panjakàna manoloana ny fikasan’ity farany hiditra amina fiaraha-miasa amina mpandraharaha vaovao toy ny Starlink ve no antony? Isan’ny fanontaniana manitikitika ireo mpisehatra amina tambazotra samihafa toy ny aterineto na «internet» sy Facebook io. Ireo miasa amin’ny alalan’izany any an-tokantranony avy any na ireo manao irony antsoina hoe «télétravail» irony moa no tena mahatsiaro ho mangana ao anatin’ny izany rehetra izany, raha ny fitarainana voaray hatrany.
J. Mirija