Actualités

FIER Mada andiany faha-17 Hanomboka amin�ny 5 aogositra

Actualités
Alakamisy 02 Jolay 2015

Hotanterahina ny 05 ka hatramin'ny 09 Aogositra ho avy izao etsy amin'ny kianja mitafon'i Mahamasina ilay hetsika ara-toekarena Fier Mada andiany faha-17, karakarain'ny fikambanana Fier Mada.

"Fihavanana marina : arindra ny tetikasa rehetra eto Madagasikara hampanankarena ny mpamokatra" no lohahevitra hampitondraina ny hetsika ahitana tranoheva am-polony izay hivarotra sy hampiranty ireo karazam-bokatra sy sakafo misy eto amintsika. Tafiditra ao anatin'izany ny karazana trondro an-dranomasina hiarahana amin'ny poissonnerie Manda, ny trondro lena, ny tantely avy any amin'ny faritra maro izay tena ilaina tokoa amin'izao vanim-potoanan'ny ririnina izao, ny haninkotrana toy ny mangahazo sy ny vomanga vaventy. Tsy latsa-danja amin'ireo ireo karazana harona, pôketra vita amin'ny rofia sy ny akora maro samihafa miampy ireo kojakojan-tokantrano toy ny sahafa ... Manohana akaiky ny hetsika ny kaominina Antananarivo Renivohitra hahafahana manampy tosika ireo tantsaha mpamokatra, eto amintsika miaraka amin'ny minisiteran'ny fambolena sy ny JICA. Artista maro no ho avy hanafana ny fotoana ahitana an'i Antsa an'i Kristy, Tarika Ramafadrahona, Rajean Knack, Melôdihy Mozika, Tarika Telofangady, Samoela raha i Dadavy kosa no hanao ny fanentanana mandritra ny roa andro.

Pati