Actualités

Fiarabe nivadika tetsy Antsahabe : Mpandeha 8 no naratra

Actualités
Zoma 29 Janoary 2010

Nisehoana lozam-pifamoivoizana tetsy Antsahabe, manoloana indrindra ny magazay �mascotte�, omaly folakandro tokony ho tamin�ny 1 ora. Nivadika teo afovoan-dalana ny fiarabe mpitatitra olona Mercedes 508 an�ny zotra kaoperativa Komi mampitohy an�Ambohijatovo amin�i Tsilazaina.

Raha ny fanazavan’ireo mpandeha tao anatiny dia avy any Ambohijatovo midina an’Antsahabe ity fiara ity no tapaka tsindry hisatra na “frein” ka nadonan’ilay mpamily tamin’ny fiara 4x4 nifanena taminy ilay fiara mba hijanonany. Tsy nahatana ilay fiara mpitatitra anefa izay hevitry ny mpamily izay fa nitarika ny fivadihany teo amin’ny arabe. Vokany, olona 8 no naratra, ka ramatoa iray no tena voa mafy satria vaky ny lohany raha ny fitantaran-dRtoa Emelynne nanatri-maso ny fitrangan’ny loza. Nisy renim-pianakaviana iray ihany koa tapaka ny tongony raha ny fanazavany ihany. Tsy dia nisy naninona kosa kosa ny hafa. Nentina notsaboina avy hatrany tao amin’ny Espace medicale izay manoloana indrindra ny toerana nisian’ny loza ireo naratra, raha fotoana fohy taorian’izay no tonga teny an-toerana naka azy sy nitatitra azy ireo teny amin’ny hopitaly HJRA ny fiara mpitondra marary. Momba ilay fiara 4x4 land rover “gris” kosa indray dia potika ny ilany havia aoriana saingy tsy nisy naratra kosa ireo mpandeha tao anatiny.

Yves