FIANARANTSOA

Masiaka ny varatra, nisy ny aina nafoy, trano iray nirehitra

Actualités
Talata 11 Febroary 2025

Masiaka ny varatra any Fianarantsoa. Trano iray nilatsaham-potaka omaly Alatsinainy 10 Febroary

tokony ho tamin’ny 04 ora sy sasany tao Fokontany Antady, kaominina ambanivohitr’Ivoamba. Na izany aza tsy nisy ny aina nafoy fa ny entana sy ny firakotra rehetra no may tanteraka, hoy ny vaovao. Ankoatra ity farany dia fantatra fa toerana roa hafa koa no nisy varatra nilatsaka omaly Alatsinainy ihany saingy samy namoizana aina avokoa. Tany amin’ny Kaominina ambanivohitr’i Mahasoabe sy tao Ambalabe Kaominina Andrainjato no nitranga ireto roa farany. Tsiahivina moa fa tafiditra tanteraka ao anatin’ny fotoam-pahavaratra isika ankehitriny ka ilana fitandremana.
Pati
Legende : May tahaka izao ilay trano !