FELIX TOVONDRAINY, ATLETA JAMBA

Natelin’ny ranomasina, efa hita ny vatana mangatsiakany

Actualités
Zoma 05 Aprily 2024

Hita afak’omaly Alarobia ary alevina anio Zoma 05 Aprily ny vatana mangatsiakan’i Félix Tovondrainy,

ilay tovolahy jamba atleta Malagasy vao 21 taona rehefa natelin’ny ranomasina. Raha tsiahivina kely ny tantara dia tsy hita ny Alatsinain’ny Paska teo, teo am-pilomanosana tany Andaboy Toliara ny anaolahy. Miisa 6 izy ireo no niaraka mba hiala voly kely ka ny iray tamin’izy ireo ihany no nahiratra izay avy eo anivon’ny sekolin’ny jamba ao Toliara. Tsy arak’ity farany anefa ny fiambenana azy ireo ka nilentika nandritra izany Itompokolahy. Isan’ireo nandray anjara tamin'ny taranja hazakazaka 100m ho an'ny olona Jamba izy fony fahavelony raha tsiahivina nandritra ny Lalaon'ny Nosy farany teo ary nahazo medaly volamena. Anisan’ny nitondra avo ny voninahitr’i Madagasikara Itompokolahy. Mirary fiononana feno ho an’ny fianakaviany.
Nangonin’i Pati
Legende : Itompokolahy fony fahavelony !