Actualités

Farmasianina Mbola tena vitsy eto amintsika

Actualités
Sabotsy 19 Aogositra 2017

Mbola tena tsy vitsy mihitsy ny farmasianina eto amintsika. Raha mahatratra 73 isa mantsy ireo hopitaly eto an-drenivohitra sy ny manodidina amin’izao fotoana, dia ny 12 amin’izy ireo monja no misy farmasianina, antony manosika ny minisiteran’ny Fahasalamam-bahoaka hanome taratasy ireo olona vonona hiantsehatra manokana amin’ny fivarotana fanafody.

Nisy omaly ny atrikasa notanterahin’ity minisitera iray ity, niaraka tamin’ireo mpiara-miombon’antoka isan-tsokajiny, hahafahana manaparitaka ny fanafody eny anivon’ny tobim-pahasalamana. Nomarihin-dRtoa Mahavany Nicole, tale misahana manokana ny farmasianina sy ny laboratoara eo anivon’ny minisiteran’ny fahasalamam-bahoaka moa, fa rehefa mividy fanafody eny anivon’ny toerana voatokana ho amin’izany ny olona dia efa tena tsara hisorohana ny trangam-pahafatesana tampoka mety hateraky ny fividianana ireo karazam-panafody tsy ara-dalàna eny amin’ny sisiny. Miantso ireo sekoly tsy miankina ihany koa izy ireo mba hamokatra farmasiana ho fiarovana ny fahasalamam-bahoaka.

Pati