Actualités

Faritra SAVA Kamiao iray tratra nitondra hazo tsy ara-dalàna

Actualités
Alarobia 13 Mey 2020

Tratran’ireo tompon’andraikitra Mitohy hatrany ny ezaka hataon’ny Ministeran’ny tontolo iainana sy ireo miparitaka eny ifotony amin’ny fanaraha-maso ny

fitrandrahana tsy ara-dalàna ireo hazo sarobidy eto amintsika. Anisan’ny manatanteraka izany ny ekipan’ny Direction Regionale de l’Environnement et du Développement Durable any amin’ny Faritra SAVA. Kamiao Cossovo iray no tra-tehak’izy ireo tao Ankijabe Ampanefena ny zoma lasa teo. Nitondra hazo Madrier 59 isa, demi-madrier 60 isa, 4 face miisa 9 ary plateaux miisa 11 ity kamiao ity. Najanona avy hatrany moa ity kamiao ity am-panatanterahana ny fanadihadiana ireo tompon’andraikitra ao amin’ny DREDD alohan’ny hanolorana ity raharaha ity eny anivon’ny fitsarana any Antalaha.

Nangonin’i Pati