Actualités

Faritra Atsimon’ny nosy Nahazo 4,16 tapitrisa dolara ny fampianarana

Actualités
Alarobia 08 Jolay 2020

Nahazo famatsiam-bola avy amin` ny fanjakana Norvezianina indray ny fandaharanasa Fanabeazana ho an` ny rehetra.

Mitentina 4, 16 tapitrisa dolara ny sora-bola ary hotanterahin` ny UNICEF, ny birao iraisam-pirenena momba ny asa (BIT) ary ny fandaharanasan` ny Firenena Mikambana momba ny sakafo (PAM). Ireo rafitra ireo no hisahana ny fitantanana izany tohana izany amin` ity volana jolay ity hatramin` ny volana desambra mba hahafahana misoroka ny takaitra avelan` ny aretina COVID-19 amin` ny sehatry ny fampianarana. Ampiasaina an` ny faritra telo: Anosy, Androy ary Atsimo Andrefana ho fanatsarana ny fampianarana ny tohana. Faritra marefo no iantefan` ny asa fanohanana satria ambany be ny tahan` ny fidirana an-dakilasy sy ny fahavitan`ny mpianatra ny ambaratonga voalohany raha mitaha amin` ny faritra hafa.

Marigny A.