Actualités

Faritra arovana Menabe Antimena Velarana ala 56 ha no kila may nisy nandoro

Actualités
Alatsinainy 06 Jolay 2020

Velarana ala 56 ha ao amin’ny Faritra arovana Menabe Antimena no kila hotohoton’ny afo, herinandro lasa izay, ka ny 8 ha tamin'izany dia vao nambolena zanakazo ny volana febroary sy martsa 2020 lasa teo.

Ankoatra ny fambolena katsaka amin’ny fanaovana tavy, izay misarika mpifindra monina maro be ao amin'io Faritra arovana Menabe Antimena io, dia niniana nodorana mihitsy raha ny tombana, ilay 56 ha tao anatin'ny ala fady. Nijery ifotony ny zava-misy tany an-toerana ny minisitry ny tontolo iainana sy ny fandrosoana maharitra Baomiavotse Vahinala Raharinirina, sady nisaotra ny efa fandraisan’andraikitra teny ifotony ary koa niara-nijery ny vahaolana maharitra indrindra ny amin’ireo tetikasa hanampiana ireo mpifindra monina maro be, na koa hamerenana mihitsy azy ireo any amin'ny toerana niaviany avy.

Nangonin’i Jean D.