Actualités

FARADOFAY Boaderozy an-jatony nodorana natao saribao

Actualités
Talata 01 Aogositra 2023

Arovana fatratra ny hazo sarobidy eto amintsika mba tsy ho lany tamingana.

Tsy azo hatao ary voararan’ny lalana ny mikapa sy manondrana azy ireny saingy ny nahavariana dia mbola nisy andramena na boaderozy an-jatony efa voakapa ary nodoran’ny sasany nanaovana harina fandrehina indray tany Faradofay. Raha araka ny fantatra dia lehilahy miisa telo no tompon’antoka tamin’izany ka mbola tazonina ao amin’ny zandary hatramin’ny omaly hariva fotoana nanoratanay. Tany vao avy novidian’olona no nahitana ireo andramena nodorana ireo hoy ny vaovao. Na ilay tompony ankehitriny aza noho izany dia tsy mahalala ny fiavian’izy ireo izay tombanana ho nokapaina dia saika haondrana eto an-drenivohitra mba hanaovana fanaka na fanafody….Tsy tanteraka anefa izany noho ny antony tsy fantatra hany ka nodoran’ireo olona telolahy ireo ireo andramena an-jatony. Ny fanadihadiana hataon’ny mpitandro ny filaminana ihany moa no tena hanamarina izany.
Nangonin’i Pati
Legende : Tahaka izao ny fivangongoan’ireo andramena nodorana tany Faradofay !