Fantsona vaky teny Ambohimiandra

Vakim-paritra miisa 20 teo no tapaka rano

Actualités
Alakamisy 05 Febroary 2026

Misy fantsona lehibe vaky eny Ambohimiandra

ka tsy maintsy amboarina faran'izay haingana, hoy ny fampitam-baovaon'ny orinasa Jiro sy rano malagasy na JIRAMA omaly tolakandro. Tsy maintsy natsahatra arak'izany ny famatsian-drano tamin'ireto toerana ireto mba nahafahana nanao ny asa, hoy ny fanazavana. Nanisana, Analamahitsy, Ambodivoanjo, Ivandry, Alarobia, Ankorondrano, Soavimasoandro, Manjakaray, Ambatomainty, Ambatobe, Ankerana, Ankadindramamy, Soamanandrariny, Andrononobe, Ambohitrarahaba, Ilafy, Anjanahary, Ambodivona, Ankadifotsy, Ambohimailala, izany hoe vakim-paritra na kartie miisa 20 teo. Novinavinaina haharitra ora telo moa ny asa ka taorian'izay no niverina tamin'ny laoniny ny famatsian-drano amin'ireo toerana ireo, raha ny fampitam-baovao voaray hatrany.
Nangonin'i J. Mirija