Fanotorana tany eto Antananarivo

Manamafy ny APIPA fa mbola voarara

Actualités
Alakamisy 14 Septambra 2023

Mampahatsiahy ny APIPA (Autorité pour la protection contre les inondations de la plaine d'Antananarivo),

fa mbola voarara ny fanotorana tany eto Antananarivo, ka mbola miato mandra-pivoakan’ny fanapahana vaovao. Tsy misy noho izany ny famoahana taratasy fahazoan-dàlana vaovao hanao fanotorana. Ireo fitaovam-pitaterana rehetra ampiasaina amin’ny fanotarana tany dia iharan’ny sazy avy hatrany, izay efa voafaritra ao anatin’ny fehezan-dalàna famaizana sy ny lalàna mikasika ny fanajariana ny tanàn-dehibe sy ny toeram-ponenana, hoy ny APIPA. Hogiazana avy hatrany noho izany ireo fitaovam-pitaterana tahaka ny fiara ampiasaina amin’ny fanotorana tsy ara-dalàna satria tsy azo atao izany izao. Tena voahaja sy voaharamaso tokoa ve io tsy fahafahana manao fanotorana io raha tarafina amin’ny zava-misy eto amin’ny Kaominina Antananarivo na koa amin’iny manodidina ny By-Pass iny ?
Toky R