Actualités

Fankalazana ny 08 martsa Nosantarina tamin’ ny diabe

Actualités
Alarobia 08 Martsa 2023

Diabe nataon'ny vehivavy teo ambany fitarihan'ny vadin'ny Filohan'ny Repoblika Ramatoa Mialy Rajoelina omaly no

nentina nanokafana sy nanamarihana ny andro maneran-tany ho an’ny vehivavy izay hankalazaina amim-pomba ofisialy anio Alarobia 08 Martsa. Solontenan'ny fikambanam-behivavy avy amin'ny lafivalon'ny Nosy, avy amin'ireo andrim-panjakana sy ireo ministera isan-tokony no nandray anjara tamin’izany niainga teo amin’ny kianja mitafon’ Ankorondrano nipaka hatrany amin’ny kianjan’ Alarobia. Fiarahana nanao fanatanjahan-tena ho mariky ny fiaraha-mientana no namaranan’izy ireo ny fotoana omaly teny amin’ny kianjan’Alarobia hatrany. Mikasika ny fandaharam-potoana anio Alarobia dia fantatra fa eny amin’ny kianjan’i Barea Mahamasina no entina hanamarihana izany, lanonana mbola hotarihin’ny vadin’ny filoham-pirenena hatrany.
Pati
Legende : Nandritra ny diabe omaly niarahana tamin’ny vadin’ny filoha !