Actualités

Fanindronana mpianatra teny Avaradrano Tsaho niniana naely

Actualités
Alakamisy 09 Novambra 2017

Mbola nitohy hatramin’ny omaly ihany ilay tsaho niely momba ny fisian’ireo tompon’andraikitra ara-pahasalamana mitety sekoly mandeha manindrona mpianatra iadiana amin’ny aretina pesta tany amin’iny distrikan’Avaradrano iny.

Raha tsiahivina, nikorontana ireo ray aman-drenin’ny mpianatra tao Ambohimangakely afak’omaly folakandro noho ny fiparitahan’io tsaho io ka nisy mihitsy ireo nandeha naka ny zanany tany am-pianarana. Toraka izany koa ny tany amin’iny kaominina Ambohimalaza. Tsy nijanona teo ny tsaho fa niparitaka hatrany amin’ny kaominina Anjeva omaly. Fiara 4x4 iray indray no nanaitra mafy ireo ray aman-drenin’ny mpianatra ka voatery nidina nitety sekoly mihitsy ny lehiben’ny fari-piadidiam-pampianaran’Avaradrano mba hampitoniana azy ireo. Nisy ny fanazavana tsotsotra nentina tamin’ireo ray aman-drenin’ny mpianatra. Ankoatra izay, nitondra fanazavana koa ny teo anivon’ny minisiteran’ny fanabeazam-pirenena fa tokony hilamina tsara ny sain’ny ray aman-drenin’ny mpianatra satria vaovao tsy marina io niniana naely io mba hanakorontanana ny tsirairay.

Pati