Fandrahonana sy fanalàm-baraka

Karohana Rakotomanana Arivelo

Actualités
Alatsinainy 01 Jolay 2024

Koloina Resaka fandrahonana, fanalàm-baraka tamin’ny alalan’ny tambazotran-tserasera,

fitakiana vola ho tambin’izany rehetra izany ihany koa ankehitriny no antony nanaovan’ny borigadin’ny zandarimaria eny Itaosy antsoavo ho fikarohana an’i Rakotomanana Arivelo Koloina. Efa tapa-bolana latsaka izao, raha ny fampitam-baovao, no nanjavonan’ity tovovavy 24 taona ity. Antsoina, noho izany, ireo mpitandro filaminana na avy amin’ny zandarimariam-pirenena io na polisim-pirenena na iza mba hisambotra ity tovovavy ity avy hatrany raha sendra mahita ny misy azy. Azo atao ihany koa ny miantso ny laharam-pinday, 0341400955, hoy hatrany ny fampitam-baovao voaray. Teraka tao Moramanga ny tovovavy ary tao Ankatso kosa no adiresy voalaza fa nonenany farany nialoha izao tsy nahitana popoka azy izao.
J. Mirija