Fandaminana ny tsena ao Antehiroka

Hifampieràna ny fanapahan-kevitra rehetra

Actualités
Alarobia 04 Jona 2025

Am-pifaliana no ilazàna amintsika fa nanaiky ny fandaminana ny tsena eto Antehiroka

ny mpivarotra eto amin’ity kaominina hiadidianay ity, hoy ny ben’ny tanàna ao amin’ny kaominin’Antehiroka, Toky Harilanto Andrianarivelo. Mbola mitohy, hoy izy, ny fanentanana ireo mponina miisa 86.000 amin’ireo fokontany miisa 9 ny amin’ny hanarahan’izy ireo ny fandaminana apetraka ety anivon’ny kaominina. Na ny tsena eto Ambohibao, izay ahitàna mpivarotra miisa 220 io ka hatrany Anjanahary dia samy mbola hisy izay lamina ho apetraka izay avokoa. Misy hatrany ny firesahana amin’ireo mpivarotra mikasika ny fifanarahana azo atao mialohan’ny handraisana fepetra iarahan’ny rehetra manaiky. Hifampieràna ny fanapahan-kevitra rehetra, hoy hatrany ny ben’ny tanàna ao an-toerana.
Nangonin’i J. Mirija