Actualités

Fanaparam-pahefana Nidoboka am-ponja ny lehiben’ny fonja

Actualités
Alarobia 07 Oktobra 2020

Taorian’ny fanadihadian’ny Birao mahaleontena miady amin’ny kolikoly ao Mahajanga dia nidoboka am-ponja vonjimaika ny lehiben’ny fonja ao Ambatoboeny rehefa nanome baiko momba izany ny avy eo anivon’ny tribonaly misahana ny ady voalohany ao Mahajanga ny 1 oktobra teo.

Resaka fanamparam-pahefana sy fanodinana fanampiana ho an’ireo voafonja ho an’ny tombontsoany manokana moa voalaza ho anton’ny fiampangana. Manana tanimboly mirefy 300ha ny fonjan’Ambatoboeny. Nahazo alalana hampanofa ampaha-tany ho an’ireo mpamboly ao an-toerana ity lehiben’ny fonja ity, hoy ny fampitam-baovao. Tambin’izay kosa dia tokony dia natokana ho an’ireo voafonja ny 200 kilao isaky ny hektara amin’ireo vokatra. Io no nararaotin’ity lehiben’ny fonja ity ka niafaran’izao raharaha izao.

J. Mirija